गणित शिक्षा परिषद सुर्खेतको अध्यक्षमा भिम रोकाया र बिरेन्द्रनगरको अध्यक्षमा नमराज जैसी निर्वाचित..

सुर्खेत 2079-05-11

 

2079 भदौ 11 गते MU को हलमा सम्पन्न गणित शिक्षा परिषद् सुर्खेतको अध्यक्षतमा भिमबहादुर रोकाया निर्वाचित भएका छन् । शनिबार वीरेन्द्रनगरमा सम्पन्न परिषद्को पाँचौं अधिवेशनले रोकायाको अध्यक्षतामा एघार सदस्यीय जिल्ला समिति निर्वाचित गरेको हो । परिषद्को उपाध्यक्ष्यमा हेमलाल ढुङ्गाना, सचिवमा महेन्द्र बहादुर शाही र कोषाध्यक्षमा कटक बहादुर थापा चयन भएका छन् । अधिवेशनले मुन बहादुर रोकाया, रत्न प्रसाद गौतम, नविन देवकोटा, खड्क बहादुर विक, संगीता यादव, लोकराज भाट र डिला भण्डारीलाई परिषद्को सदस्यमा निर्वाचित गरेको छ । 

 

 त्यसैगरी अधिवेशनले गणित शिक्षा परिषद वीरेन्द्रनगर नगरसमिती समेत गठन गरेको छ । नमराज जैसीको अध्यक्षतामा पाँच सदस्यीय नगर समिति गठन गरेको छ उक्त गठित समितिमा प्रेमप्रसाद जैसी, गणेश विसी, दुर्गा वस्नेत र युवराज अधिकारी सदस्यमा चयन भएकाछन् । गणित शिक्षा परिषद् सुर्खेतका निवर्तमान अध्यक्ष प्रेमकुमारी ढकालको अध्यक्षता र प्रा.डा. केशरसिंह रानाको प्रमुख आतिथ्यतामा अधिवेशन सम्पन्न भएको हो । कार्यक्रममा गणित शिक्षा परिषद् केन्द्रीय सदस्यमा निर्वाचित प्रेमकुमारी ढकाल, मध्यपश्चिम विश्वविद्यालयका नवनियुक्त प्रिन्सिपल जसविर रोका र माध्यमिक विद्यालय गणित शिक्षक द्धितिय श्रेणीमा बढुवा भएका सुकदेव उपाध्यायलाई सम्मान गरिएको थियो । गणित शिक्षा परिषद् कर्णाली प्रदेश अध्यक्ष रत्नप्रसाद पाण्डेय विशिष्ट अतिथि रहेको कार्यक्रममा प्रदेश उपाध्यक्ष किरण भण्डारी, कोषाध्यक्ष नबिनकुमार कँडेल लगायत गणितका शिक्षकहरुको सहभागीता रहेकोथिए ।