तीजको नाच हेर्दै गर्दा एक युवकको झडप द्वारा मृत्यु

सुर्खेतमा तीजकाे नाच हेर्नेक्रममा झडप हुँदा एकजनाकाे मृत्यु भएकाे छ । सुर्खेतकाे वीरेन्द्रनगर नगरपालिका वडा नं १० बामेखाेलामा तीजकाे नाच हेर्नेक्रममा झडप भएकाे जिल्ला प्रहरी कार्यालय सुर्खेतले जनाएकाे छ ।

प्रहरीका अनुसार झडपकाे क्रममा ढुंगा प्रहार गरि कुटपिट गर्दा राेशन जी.सीकाे घटना स्थलमै मृत्यु भएकाे हाे । 

घटना मंगलबार बेलुकी करीब ७ बजेतिर भएकाे स्थानीय रेवन्त पुरीले बताएका छन् । मृतक जीसी परिवारकाे एकमात्र छाेरा भएकाे पुरीले बताए ।कुटपिटबाट मृतक जीसीकाे टाउकाेमा चाेट पुगेकाे थियाे ।

घटनाका विषयमा प्रहरीले थप अनुसन्धान गरिरहेकाे जिल्ला प्रहरी कार्यालय सुर्खेतका प्रवक्ता सुरज कार्कीले बताएका छन्।